215 INITIA HISTORIAE GRAECORVM LITTERARIAE SECVNDVM EDIDIT GODOFR. ERNESTUS GRODDECK AVGVSTISSIMI ROSSORVM IMPERATORIS A CONSIL. COLLEGIOR PARS PRIOR VILNA E SVMTIBVS IOSEPHI ZAWADZKI MDCCCXXI Licet excudatur, ea tamen lege, ut excusus liber ne prins veneat, quam apud Censorum Collegium deposita sint eiusdem exempla quae nuncupamus, primum videlicet in Collegii dicti usum; duo, ad Ministerii institutionis et educationis tabellarium; quartum et quintum ad CAESAREAM Bibliothecam publicam; sextum ad CAESAREAM Doctriuərum Academiam; septimum ad CAESAREAM Litterarum Vniversitatem Aboëasem mittenda. Vilnae III. Id. Mai. MDCCCXXI. Philippus Nerius Golański Vniv. Prof. Em. Coll. Cens. Sod. QVOD LECT VRIS S. VOD ante decem annos in libri huius fronte iam significavi, ut totius operis ratio et consilium nosceretur, paucissimis verbis etiam nunc repetere liceat. Litteraturae omnium ditissimae non nisi initia tradere constitui, quae discendi cupidis ad interius litterarum Graecarum studium viam munirent. Brevitatis igitur ubique rationem habui, ita tamen, ut ne quid deesset, quod ad universae disciplinae cognitionem alicuius esse momenti aestimaretur. In quo quam difficilis sit rerum delectus, quam multiplex scribendi ordo, quem adhibeas, neminem fugiet qui in simili argumento tractando periculum fecerit. Sic, quae historiae litterariae Graecorum vulgo, nec sine causa idonea, praemitti solent disputationes, de primis Graecorum originibus, de culturae eorum initiis et incrementis, de eventis factisque praecipuis, quorum ad litterarum studia sive dirigenda, sive acuenda, sive corrumpenda immutandave magna omnium consensu cernitur vis, denique de sermone Graeco et scri |