Here begynneth the new Notborune mayd

bpon the passion of Cryste.

Swete sonne as ye haue sayde, Man is vnkynde,

Hys faythfull mynde

In maner is halfe decayed; But neuer the lesse,

Through ryght wysenes

Theyrwith be not apayed;

Yet mercy trewe

Muste contynewe,

And not aparte be layed;

Syth ye for loue

Came frome aboue,

Frome your father in trone,

Of louynge mynde

To warde mankynde,

To dye for hym alone.

JESUS.

Than ye and I,

Mother Marye,

Let vs despute in fere;

Ryght hertely I you supply,

Your reason lette me here.

With man vnkynde,

Hath neuer mynde,

Of me that bought hym dere;

If his folye

Shulde haue mercy,

Ayenste all ryght it were.