In Venus toyes Was all her joyes, Seldome sayde she naye; At the laste she thought, That her husbande was nought, And purposed on a daye, To shorten his lyfe, And as a true wyfe She wolde it not delaye. To fulfyll her lust, In a well she hym thrust, And made countenaunce sad As thoughe she be sory had; Also in good faye, A reed onyon wolde she kepe, To make her eyes wepe, In her kerchers I saye. She was than stedfast and stronge, In faythe almoost two dayes; For fere of sodayne frayes; Leste her husbande dede Wolde come to her bedde, Thus in her mynde she sayes. The fourthe husbande she cought, That was lyke her nexte nought, For he vsed his playes With maydens, wyues and nonnes; She prayed the fende hym kyll, He loued prety gayes. An halfepeny halter made hym fast, And therin he swayes; As a woman that careth nought, For very pure pyte and wo. And great hast made therto. The husbande had sone ynowe, But Emlyn bended her browe, And thought she had not so, But to ease her louer She toke another, That lustely coude do; One that yonge was, That coude ofte her basse, Whiche she had fantesy to. He coude well awaye, With her lusty playe, And neuer wolde haue do. Bycause he coude clepe her, She called hym a whypper; And as they were togyder They bothe swetely played; A sergeaunt them afrayed, And sayd they were full queuer. They were than full wo, The frere wolde ben a go, He cursed that he came thyder; Whether they were leue or lothe, He set them in the stockes bothe, He wolde none dysceyuer. In myddes of the market Full well was set, In full fayre wether, For it dyd hayle and thonder; On them many men dyd wonder, But Emlyne laughed ever; She thought it but a jape, To se men at her gape, Therof she shamed neuer ; And sayd for her sportynge, It is but for japynge, That we be brought hyder; It is nother treason nor felony, But a knacke of company, And dye had I leuer Than it forsake, For I wyll mery make, Whyle youthe hathe fayre wether. Whan her husbande it knewe Sore dyd he it rewe, And was so heuy and wo, He toke a surfet with a cup, That made hym tourne his heels vp, And than was he a go. And in her mynde thought tho; In spyte of them that saythe so. And all that wolde entre, Suche fortune had she tho; God dyd bete her surely, Or she dyde hens go. Naye there do I ho; |