LECTORI S. In hac Psalmorum Paraphrasi edendâ multum operae insumptum est, ut quàm accuratissimè prodiret: quippe quae viris doctissimis non nostrae solùm, sed etiam exterarum regionum maximè arrisit; et adhuc in scholis nominis haud parvi lectu dignissima habetur. Textum secundùm editionem Thomae Ruddimanni, quae anno 1715 lucem Edinburgi aspexit, plerumque secuti sumus. Locos complures, tironibus alioquin obscuros, in melius, ut speramus, interpuncta sunt.Huic autem paraphrasi paucula ejusdem poëmata, sanè exquisitissima, adjungere visum est: quorum unum, scilicet Maiae Calendas, prae ceteris summâ laude prosequutus est vir reverendus Archibaldus Alison, LL. B., scriptor haud inelegans, idemque limati judicii. Caeterùm nobis consilium fuit ut huic editioni nihil uspiam deesset, quo discipuli locos difficiliores expedire possint; ideoque ut lyricam poësin, praecipuéque sacram, cognoscendi amore imbuantur. Annotationes |