and continue, this noble roialme shall be the better, ouer and beside their honest fame and renowme. And thus whan thei had gone their iourney, the one of them, that is to saie, Iohn Gower prepared for his bones a restynge place in the monasterie of saynt Marie Oueres, where somwhat after the olde facion he lieth right sumptuousely buried, with a garlande on his head, in token that he in his life daies flourisshed fresshely in literature and science. And the same monumente, in remembrance of hym erected, is on the North side of the fore saide churche, in the chapell of sainte Iohn, where he hath of his owne foundacion, a masse daily songe. And more ouer he hath an obite yerely, done for hym within the same churche, on fridaie after the feaste of the blessed pope saynte Gregorie. Beside on the wall where he lieth, there be peinted three virgins, with crownes on their heades, one of the whiche is written Charitie, and she holdeth this diuise in hir honde.
En toy qui es fitz de dieu le pere Sauue soit, que gist souz cest piere.
The seconde is written Mercie, whiche holdeth in hir hande this diuise:
O Sone Jesu fait ta mercie
Al alme, dont le corpe gist icy.
The thyrde of them is written Pitee, whiche holdeth in hir hande this deuise folowynge.
Pur ta Pité Jesu regarde,
Et met cest alme in sauue garde.
And thereby hongeth a table, wherin appereth, that who so euer praith for the soule of Iohn Gower, he shall so oft as he so doth, haue a M. and. D. dates of pardon.
The other lieth buried in the monasterie of seynt Peters at westminster in an ile on the south side of the churche. On whose soules, and all christen, Iesu haue merie. Amen,
Hic imprimis declarat Joanes Gower, quam ob causam presentem libellum composuit, & finaliter compleuit, An. regni regis Ric. secundi. 16.
OF them, that writen vs to fore
The bokes dwelle: and we therfore
Ben taught of that was writen tho, For thy good is, that we also In our tune amonge vs here Do write of newe some mattere Ensampled of the olde wise
So that it might in suche a wise Whan we be deade and els where Beleue to the worldes ere In tyme comyng after this
And for men seyne, and sothe it is, That who that all of wisdome write
It dalleth ofte a mans witte.
To bym that shall it all daie rede For thilke cause if that ye rede Iwyll go the middell wey,
And write a boke bytwene the twey Somwhat of lust, and somwhat of lore That of the lasse, or of the more Some man maie like of that I write And for that few men endite
In our englisshe, for to make A booke for Englandes sake The yere xvi. of kynge Richarde
What shall befalle here afterwarde
God wote, for nowe vpon this tide Men see the worlde on enery, side In sondrie wise so diuersed That it well nigh stant all reuersed. Als for to speake of time ago The cause why it changeth so It nedeth nought to specifie,
The thynge so open is at the eie
That euery man it maie beholde. And netheles by daies olde, Whan that the bokes weren feuer, Writyng was beloued euer Of them, that weren vertuous. For here in erthe amonge vs If no man write howe it stode, The pris of them that were good Shulde (as who saiyh a great partie) Be loste: so for to magnifie
The worthy princes, that tho were. The bookes shewen here and there Wherof the worlde ensampled is And tho that diden than amis Through tyrannie and crueltee Right as thei stonden in degree, So was the writyng of the werke. Thus I, whiche am a borell clerke, Purpose for to write a booke After the worlde that whilom toke Longe time in olde daies passed. But for men seyn it is now lassed In wers plight than it was tho,
I thynke for to tonche also
The worlde, whiche neweth euery daie So as I can, so as I maie
Though I sekenesse haue vpon honde And longe haue had, yet wolde I fonde To write, and do my besinesse, That in some partie, so as I gesse, The wise man maie be aduised.
For this prologue is so assised That it to wisedome all belongeth, That wise man that it vnderfongeth, He shall draw into remembrance The fortune of the worldes chance, The whiche no man in his persone Maie knowe, but the god alone. Whan the prologue is so dispended The boke shall aftewarde be ended
Of loue, whiche dothe many a wonder, And many a wise man hath put vnder. And in this wise I thynke to treate Towarde them, that nowe be greate, Betwene the vertue and the vice, Whiche longeth vnto this office. But for my wittes ben to smale To telle euery mans tale This booke vpon amendement To stonde at his commandement With whom mine herte is of accorde, I sende vnto mine owne lorde, Whiche of Lancaster is Henry named The hygh God hath hym proclamed Full of knyghthode and all grace, So wolde I nowe this werke embrace God graunte 1 mote it well acheue With whole truste and whole beleue.
Tempus præteritum præsens fortuna beatum Linquit, & antiquas vertit in orbe vias. Progenuit veterem concors dilectio pacem,
Dum facies hominis nuncia mentis erat. Legibus vnicolor tunc temporis aura refulsit, Iustitiæ planæ tuncque fuere viæ. Nuncque latens odius vultum depingit amoris, Paceque sub ficta tempus ad arma tegit. Instar & ex variis mutabile cameliontis
Lex gerit, & regnis sunt noua iura nouis. Climataque fuerant solidissima, sicque per orbem Soluuntur, nec eó centra quietis habent.
Destatu,regnoque,vt dicunt, secundum temporalia, Videlicet tempore regis Richardi secundi, Anno regni sui sextodecimo.
IF I shall drawe in to iny mynde The time passed, than I fynde The worlde stode in all his welthe. Tho was the life of man in helth, Tho was plentee, tho was richesse, Tho was the fortune, tho was prowesse, Tho was knighthode in price by name, Wherof the wide worldes fame
Write in cronicles is yet withholde, Justice of lawe tho was holde,
The priuilege of regalie Was safe, and all the Baronie Worshipped was in his astate, The cities knewe no debate, The people stode in obeisance Under the rule of gouernance t And peace with vnrightwisenesse keste With charitee tho stode in reste:
Of mans herte the courage
Was shewed then in the visage. The worde was like to the conceite Without semblant of deceite. Tho was there vnenuied loue, Tho was vertue set aboue, And vyce was put vnder foote,
Nowe stante the crope vnder the roote. The worlde is changed ouerall, And therof moste in speciall That loue is falle in to discorde, And that I take in to recorde Of euery lande for his partie
The common voice, whiche maie not lie. Nought vpon one, but vpon all Is that men nowe clepe and calle,
And seyn, that reignes bene deuided, In stede of loue is hate guided. The warre woli no peace purchace, And lawe hath take hir double face, So that Justice out of the waie With rightwisenes is gone awaie. And thus to loke on euery halue Men sene the sore without salue, Whiche all the worlde hath ouertake There is no reigne of all out take. For euery climat hath his dele After the tournyng of the whele, Whiche blinde fortune ouerthroweth, Wherof the certaine no man knoweth. The heuen wote what is to doone, But we that dwell vnder the moone Stonde in this worlde vpon a were, And namely but the powere Of them that bene the worldes guides With good counsell on all sides, Ben kept vpright in suche a wise, That bate breke nought thassise Of loue, whiche is all the chiefe To kepe a reigne out of mischiefe: For all reason wolde this,
That vnto him, whiche the head is, The membres buxom shall bowe, And he shulde eke their trouth alowe With all his herte, and make them chere: For good counseill is good to here, All though a man be wise hym selue, Yet is the wisdome more of twelue: And if thei stande both in one, To hope it were then anone, That God his grace wolde sende To make of thilke werre an ende, Whiche euery daie nowe groweth newe And that is greatly for to rewe,
In speciall for Christes sake, Whiche wolde his owne life forsake Amonge the men to yeuen pees, But nowe men tellen natheles, That loue is from the worlde departed, So stant the peace vneuen parted. With them that liuen now a daies. But for to loke at all assaies
To him, that wold reson seche After the comen worldes speche.
It is to wonder of thilke werre,
In whiche none wote who hath the werre. For euery lond him selfe deceiueth, And of disease his parte receiueth And yet take men no kepe,
But thilke lorde, whiche all maie kepe, To whom no counseill maie be hid, Upon the worlde, whiche is betide Amende that, wherof men plaine With trewe hertes and with plaine And reconcele loue againe: As he, whiche is kynge soueraine Of all the worldes gouernance And of his high puruiance Afferme peace betwene the londes, And take their cause in to his hondes, So that the world maie stand appeased,
And his godheade also be pleased.
Quas coluit Moses vetus, aut nouus ipse Ioanes, Hesternas leges vix colit ista dies.
Sic prius Ecclesia bina virtute polita, Nunc magis inculta pallet vtraque via.
Pacificam Petri vaginam mucro resumens
Horruit ad Christi verba cruoris iter. Nunc tamen assiduo gladium de sanguine tinctum Vibrat auaricia lege repente sacra.
Sic lupus est pastor, pr hostis, mors miserator, Prædoque largitor, pax & in orbe timor.
De statu cleri vt dicunt, secundum spiritualia, vi- delicte tempore Roberti Gilbonensis, qui nomen Clementis sortitus est sibi tunc Antipapæ.
To thinke vpon the daies olde, The life of clerkes to beholde, Men seyn how that thei were tho Ensample, and rewle of all tho, Whiche of wisdome the vertue soughten, Unto the god firste thei besoughten, As to the substance of their schoole, That thei ne shulde not befoole Their witte vpon none erthly werkes, Whiche were ayenst the astate of clerkes. And that thei mighten flee the vice, Whiche Symon hath in his office. Wherof he taketh golde in honde. For thilke time (I vnderstonde) The lumbarde made non eschange The bisshopriches for to change: Ne yet a letter for to sende For dignitee, ne for prouende, Or cured, or without cure. The churche laie in aduenture Of armes and of brigantaille
Stode no thyng then vpon battaille: To fight or for to make cheste It thought them then not honeste. But of simplicitee and pacience Thei maden then no defence.
The courte of worldly regallie To them was then no baillie,
The vaine honour was nought desired, Whiche hath the proude herte fired The bumilitee was tho withholde, And pride was a vice holde.
Of holy churche the largesse, Yafe then and did great almesse
poure men, that had neede.
Thei were eke chast in word and deede,
Wherof the people ensample toke, Their lust was all vpon the boke, Or for to preche or for to praie, To wise men the right waie Of suche as stode of trouth vnlered. Lo thus is Peters barge stered Of them, that thilke time were. And thus came firste to mans ere The feith of Christe and all good, Through them that then were good, And sobre, and chaste, and large, and wise. (men seyn) is other wise Simon the cause hath vndertake, The worldes swerde in hond is take. And that is wounder netheles,
Whan Christe him selfe hath bode pees And set it in his testament.
How now that holy churche is went, Of that their lawe positife Hath set to make werre and strife For wordli goodes, whiche maie not last. God wote the cause to the last Of euery right and wronge also. But whyle the lawe is ruled so,
That clerkes to the werre intende, I not howe that thei shall amende The wofull worlde in other thinges To make peace betwene kynges After the lawe of charitee, Whiche is the propre dewtee Belonged vnto the priestood: But as it thinketh to manhood. The heauen is far, the worlde is nigh, And vaine glorie is eke so sligh, Whiche couetise hath now withholde, That thei none other thinge beholde, But only that thei mighten winne. And thus the werres thei beginne, Wherof the holy churche is taxed, That in the point as it is axed, The disme goth to the battaile, As though Christe might not auaile To do them right by other waie: In to the sworde the churche kaie Is turned, and the holy bede, In to cursynge, and euery stede, Whiche shulde stonde vpon the feithe And to this cause an care leithe Astonyed is of the quarele, That shulde be the worldes hele, Is nowe men sayn the pestilence, Whiche hath expelled pacience Fro the clergie in speciall, And that is shewed ouerall,
In euery thyng whan thei be greued: But if Gregorie be beleued,
As it is in the bokes writte, He dothe vs somdele for to witte The cause of thilke prelacie Where God is nought of companie. For euery werke as it is founded Shall stande, or els be confounded. Who that onely for Christes sake Desireth cure for to take,
And nought for pride of thilke astate To beare a name of a prelate, He shall by reason do profite In holy Churche vpon the plite, That he that set his conscience: But in the worldes reuerence Ther be of suche many glade, Whan thei to thilke astate be made Nought for the merite of the charge, But for thei wolde him selfe discharge Of pouertee, and become grete, And thus for pompe and for behete The scribe and eke the pharisee, Of Moyses vpon the see,
In the chaire on high ben sette, Wherof the feith is ofte lette, Whiche is betake them to kepe. In Christes cause all daie thei slepe But of the worlde is nought foryete For well is him, that nowe maie gete Office in court to be honoured: The stronge Coffre hath all deuoured Under the keie of auarice The tresour of the benefice, Wherof the poure shulden clothe, And ete, and drinke, and house bothe. The charitee goth all vnknowe. For thei no graine of pitee sowe, And slouthe kepeth the librarie, Whiche longeth to the santuarie.
« PreviousContinue » |